
- A-
- A
- A+
İki ölkə Ukraynaya 300 milyon dollarlıq hərbi yardım paketi ayırdı
Almaniya və Norveç qış ərəfəsində Ukraynaya ümumi dəyəri 300 milyon dollar olan hərbi yardım paketi təqdim edəcək.
Bizim.Media “Handelsblatt” nəşrinə istinadən xəbər verir ki, Almaniyanın müdafiə naziri Boris Pistorius Brüsseldə Avropa İttifaqının müdafiə məsələləri üzrə Şurasının iclasından əvvəl bildirib ki, silahların bir hissəsi ABŞ-dan PURL proqramı çərçivəsində alınacaq.
Yardım paketinə, xüsusilə “Patriot” hava hücumundan müdafiə sistemləri üçün raketlər daxildir.
Bundan əlavə, daha əvvəl elan edilmiş “Iris-T” sistemləri, yeni radarlar, F-16 qırıcıları üçün sursatlar və pilotsuz uçuş aparatları da Ukraynaya göndəriləcək.
Bundan başqa, Almaniya “Iris-T” raketlərinin Norveç istehsalı olan NASAMS hava hücumundan müdafiə sistemlərinə inteqrasiyası üzərində işləyir.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.































































































