
- A-
- A
- A+
Dünya çempionu vəfat etdi
Braziliya millisinin sabiq futbolçusu, 1958-ci il dünya çempionu Dino Sani 94 yaşında dünyasını dəyişib.
Bizim.Media xəbər verir ki, bu barədə Braziliya Futbol Konfederasiyası (CBF) məlumat yayıb.
Konfederasiyanın açıqlamasında Saninin Braziliya futbolunda silinməz iz qoyduğu bildirilib.
Qurum mərhumun ailəsinə, yaxınlarına və azarkeşlərinə başsağlığı verib. Dino Sani 1957-1966-cı illərdə Braziliya millisində çıxış edib. O, 1958-ci ildə İsveçdə keçirilən dünya çempionatında komandanın heyətində qızıl medal qazanıb. Yığmada 15 oyun keçirən futbolçu 1 qol vurub.
Klub karyerası ərzində “Palmeyras”, “Komerşial-SP”, “San-Paulu”, “Boka Xuniors”, “Milan” və “Korintians”ın formasını geyinib.
Sani “Milan”la 1962-ci ildə Avropa çempion klublar kubokunu qazanıb. Həmin mövsüm İtaliya çempionu da olub.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.


































































































