Yəmənin Qırmızı dəniz sahilində yerləşən Moxa limanı husilərin növbəti hücumuna məruz qalıb.
Bizim.Media xəbər verir ki, Yəmən ordusunun məlumatına görə, limana altı ballistik raket atılıb.
Hücum nəticəsində ən azı bir təhlükəsizlik əməkdaşı həlak olub, səkkiz nəfər yaralanıb. Zərbələrdən sonra iki dəniz piyadasının itkin düşdüyü bildirilir.
Hadisənin Qırmızı dəniz və Bab əl-Məndəb bölgəsində gərginliyin davam etdiyi bir vaxtda baş verməsi diqqət çəkir.
Qeyd edək ki, Moxa limanı Yəmənin qərb sahilində yerləşən və Qırmızı dənizə çıxışı baxımından strateji əhəmiyyət daşıyan obyektlərdən biridir.
Bizim.Media
