"Torqovı"da "gəzən heykəl"i sillələyən kişi axtarışa verildi - YENİLƏNİB - VİDEO

Bakıda, "Xəqani" Ticarət Mərkəzinin qarşısında “Gəzən heykəl”ə sillə vuran şəxs axtarışdadır.

Bizim.Media xəbər verir ki,bu barədə lent.az-a “gəzən heykəl”i canlandıran Pərviz Abdullayev məlumat verib. 

O, hadisənin təfərrüatlarını belə nəql edib:

“Hadisə mayın 15-də olub. Həmişə olduğu kimi şəhərin mərkəzi küçəsində çıxış edirdim. Anidən bir kişi gəldi, vurdu və getdi. Heç bir reaksiya vermədim. Eləcə işimə davam etdim. Polisə müraciət etmişəm. Adam axtarışdadır. Sərxoş olduğu bəlli deyil. Kimliyi barədə də heç bir məlumat yoxdur”.

13.19***

Bakının Nizami (Tarqovı) küçəsində “canlı heykəl” obrazı ilə məşhurlaşan Pərviz Abdullayev hücuma məruz qalıb.  

Bizim.Media xəbər verir ki, hadisənin görüntüləri sosial şəbəkələrdə yayılıb.  

Belə ki, videoda yaşlı kişinin “canlı heykəli” vurduğu öz əksini tapıb.

Hadisənin hansı səbəbdən törədildiyi isə bəlli deyil. Həmin görüntüləri təqdim edirik:

Bizim.Media