
- A-
- A
- A+
Tədbirdə üzərinə LED ekran aşan qadının SON DURUMU
Üzərinə LED ekran aşan qadının son vəziyyəti məlum olub.
Bakıda keçirilən tədbir zamanı üzərinə iriölçülü LED ekran aşan qadının son vəziyyəti məlum olub.
Tibbi Ərazi Bölmələrini İdarəetmə Birliyindən (TƏBİB) Bizim.Media-nın sorğusuna cavab olaraq bildirilib ki, 20.09.2026-cı il tarixində saat 16:10 radələrində 1968-ci il təvəllüdlü şəxs (qadın) Kliniki Tibbi Mərkəzin Təcili tibbi yardım şöbəsinə hospitalizasiya olunub.
MÖVZU İLƏ BAĞLI:
Bakıda monitor qadının üstünə aşdı – VİDEO
Məlumata görə, bədənin müxtəlif nahiyələrinin müştərək travmaları diaqnozu təyin edilən pasiyentə zəruri tibbi xidmətlər göstərilib.
Qeyd edilib ki, sözügedən şəxs ailə üzvlərinin yazılı iltizamnaməsi əsasında 20.09.2026-cı il tarixində saat 18:20 radələrində özəl tibb müəssisəsinə təxliyə olunub.
Xatırladaq ki, hadisənin Yasamal rayonu Məhəmməd Naxçıvani (6-cı Paralel) küçəsində AYNA-nın Mikromobillik həftəsi çərçivəsində təşkil etdiyi “Avtomobilsiz gün” tədbirində baş verdiyi bildirilir.
Xədicə Paşayeva, Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.

































































































