Uşaqlarınızı qoruyun: Qonşu ölkədə norovirus sürətlə yayılır

Uşaqlarınızı qoruyun: Qonşu ölkədə norovirus sürətlə yayılır

Hazırda oxunan: Uşaqlarınızı qoruyun: Qonşu ölkədə norovirus sürətlə yayılır
637672
Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Gürcüstanın paytaxtı Tbilisidə bələdiyyə uşaq bağçalarında çoxsaylı uşağın xəstələnməsinə yüksək ehtimalla norovirusun səbəb olduğu müəyyənləşdirilib.

Bizim.Media xəbər verir ki, bu barədə Gürcüstan Milli Xəstəliklərə Nəzarət və İctimai Sağlamlıq Mərkəzi (NCDC) məlumat yayıb.
 

Mərkəzin bildirdiyinə görə, aparılan laborator müayinələrin nəticələri xəstəlik hallarının əksəriyyətinin norovirusla əlaqəli olduğunu göstərir. Bununla belə, araşdırmalar hələ davam edir və yekun nəticələrin daha sonra açıqlanacağı bildirilib.


Norovirus virus mənşəli qastroenteritin əsas səbəblərindən biridir. İnfeksiya adətən qusma, qarın ağrısı, ishal, bəzi hallarda isə hərarətlə müşayiət olunur. Xəstəlik əksər hallarda 1-3 gün ərzində keçir.

Mütəxəssislərin diqqət çəkdiyi əsas risk isə güclü qusma və ishal zamanı orqanizmin susuzlaşmasıdır.

NCDC-nin məlumatına görə, norovirus Gürcüstanda virus mənşəli qastroenterit hallarının təxminən 40-45 faizini təşkil edir.

Hazırda xəstələnən uşaqların vəziyyəti əlverişli qiymətləndirilir. Ciddi və ya həyati təhlükəli ağırlaşmalar qeydə alınmayıb. Uşaqların böyük hissəsinin artıq sağalma mərhələsində olduğu bildirilir.

Kütləvi xəstələnmə halları sentyabrın 17-18-də, Tbilisidə uşaq bağçalarının yeni mövsüm üzrə fəaliyyətə başlamasından qısa müddət sonra qeydə alınıb.

Gürcüstanın səhiyyə naziri Mixeil Sardjveladzenin daha əvvəl verdiyi məlumata görə, 100-dən çox uşağın xəstəxanaya yerləşdirilməsinə ehtiyac yaranıb.

Norovirusla bağlı xəstəlik halları eyni vaxtda Tbilisinin 20 uşaq bağçasında qeydə alınıb. Onlardan 7-si karantin məqsədilə bağlanıb.

Gürcüstanda baş verən bu kütləvi xəstələnmə halları fonunda valideynlərə uşaqlarda qusma və ishal kimi simptomlar müşahidə edildikdə maye itkisinə xüsusi diqqət yetirmələri tövsiyə olunur. (Modern.az)

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Bizim.media tətbiqi
Xəbərləri tətbiqdə oxuyun
Bizim.media tətbiqini yükləyin, son xəbərlər bildirişlə telefonunuzda olsun.
YükləApp Store YükləGoogle Play

XƏBƏR LENTİ

Bugün

Xəbərin mətnində orfoqrafik səhv var

Qeydinizi daxil edin

RADİO