Yeni vergi güzəştləri gəlir – Kimlərə şamil olunacaq?

Yeni vergi güzəştləri gəlir – Kimlərə şamil olunacaq?

Hazırda oxunan: Yeni vergi güzəştləri gəlir – Kimlərə şamil olunacaq?
648356
Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Vergi uçotunda olmayan fiziki şəxslərin nağdsız hesablaşmalar üzrə əldə etdikləri gəlirlərə tətbiq edilən vergi dərəcələrinin, eləcə də aqrar sektorda fəaliyyət göstərən istehsalçılar üçün vergi güzəştlərinin yenilənməsi təklif olunur.

Bizim.Media xəbər verir ki, bu Milli Məclisin bugünkü plenar iclasında müzakirəyə çıxarılan Vergi Məcəlləsinə dəyişiklik edilməsi haqqında qanun layihəsində əksini tapıb.
 

Təklifə əsasən, vergi ödəyicisi kimi vergi orqanında qeydiyyatda olmayan fiziki şəxslərin “Nağdsız hesablaşmalar haqqında” Qanunda nəzərdə tutulan malların satışından əldə etdikləri gəlirlərdən xərclər çıxılmadan vergi tutulacaq. Belə ki, qanunda göstərilən malların bir qismi üzrə vergi dərəcəsinin 5 faiz, digər qrup mallar üzrə isə 2 faiz olması nəzərdə tutulur.


Dəyişikliklərə əsasən, aqrar məhsul istehsalçıları üçün mövcud vergi güzəştlərinin də yeni qaydalarla davam etdirilməsi təklif olunur. Belə ki, 2027-ci il yanvarın 1-dən etibarən 5 il müddətinə kənd təsərrüfatı məhsullarının istehsalından əldə edilən gəlirlərin, o cümlədən bu fəaliyyətlə bağlı satışdankənar gəlirlərin 90 faizinin vergidən azad edilməsi nəzərdə tutulur.

Bu, o deməkdir ki, aqrar məhsul istehsalçılarının həmin məhsulların istehsalından əldə etdikləri gəlirlərin qalan 10 faizi vergitutmaya cəlb olunur. Güzəştin tətbiqi üçün istehsalçıların müvafiq dövlət informasiya sistemində qeydiyyatda olması və gəlirlərini vergi bəyannaməsində bəyan etməsi tələb ediləcək.
 

Bundan başqa, heyvandarlıq fəaliyyəti ilə məşğul olan və müvafiq informasiya sistemində qeydiyyatdan keçmiş fərdi sahibkarların yetişdirdikləri iribuynuzlu və xırdabuynuzlu heyvanların kəsilərək satışından əldə etdikləri gəlirin 50 faizinin vergidən azad edilməsi təklif olunur. Bu güzəştin 2027-ci il yanvarın 1-dən 3 il müddətinə tətbiqi nəzərdə tutulur.


Eyni zamanda, aqrar məhsul istehsalçılarına həmin məhsulların istehsalı ilə əlaqədar dövlət büdcəsi hesabına verilən subsidiyaların 2027-ci il yanvarın 1-dən 5 il müddətinə vergidən azad edilməsi təklif edilir.

Qanun layihəsi səsə qoyularaq birinci oxunuşda qəbul edilib.

Günay Şahmar, Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Bizim.media tətbiqi
Xəbərləri tətbiqdə oxuyun
Bizim.media tətbiqini yükləyin, son xəbərlər bildirişlə telefonunuzda olsun.
YükləApp Store YükləGoogle Play

XƏBƏR LENTİ

Bugün
Dünən

Xəbərin mətnində orfoqrafik səhv var

Qeydinizi daxil edin

RADİO