
- A-
- A
- A+
Kameronun İrəvana səfəri təxirə salındı
Hollivudun məşhur rejissoru, ssenaristi və prodüseri Ceyms Kameron İrəvana səfər etməyəcək.
Bizim.Media Ermənistan KİV-ə istinadən xəbər verir ki, bu barədə tədbirin təşkilatçıları məlumat yayıblar.
Məlumata görə, Kameronun tamaşaçılarla görüşü noyabrın 23-də Karen Dəmirçyan adına İdman-Konsert Kompleksində baş tutmalı idi.
"Təəssüflə bildiririk ki, Ceyms Kameronla görüş və ondan sonra planlaşdırılan konsert proqramı baş tutmayacaq", – deyə konsertlərin təşkili və prodüserliyi ilə məşğul olan "Mezzo Production" şirkəti "Facebook" səhifəsində qeyd edib.
Şirkət tədbirin ləğv olunma səbəblərini açıqlamayıb, lakin biletlərin tam dəyərinin 5 iş günü ərzində alış zamanı istifadə olunan ödəniş üsuluna avtomatik olaraq geri qaytarılacağını bildirib:
"Əlavə heç bir addım atmağa ehtiyac yoxdur. Yaxın bir neçə gün ərzində məsələ ilə bağlı əlavə izahat verəcəyik", – deyə açıqlamada vurğulanır.
Qeyd edək ki, Ceyms Kameron "Terminator", "Yadlar", "Titanik" və "Avatar" kimi məşhur filmlərin rejissorudur.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.
































































































