Səmayə Məmmədova Azad Rəhimovla ilk tanışlığından danışdı - TƏFƏRRÜAT

Hazırda oxunan: Səmayə Məmmədova Azad Rəhimovla ilk tanışlığından danışdı - TƏFƏRRÜAT

20035

"Birinci dəfə Azad müəllimi görəndə elə bir aura var idi ki, mənə müsbət enerji gəldi. İlk düşündüyüm o oldu ki, kaş məni işə götürəydi".

Bizim.Media xəbər verir ki, bu fikirləri Azərbaycan Gənclər və İdman Nazirliyinin Mətbuat katibi Səmayə Məmmədova "Report"un canlı efirində yayımlanan "ReSport" verilişində mərhum nazir Azad Rəhimovla ilk tanışlığı barədə danışarkən deyib.

O bildirib ki, nazirlə qısa söhbətdən sonra işə qəbul olunub:

"Onda italyan dilini öyrənirdim. Azad müəllim də bu dili çox gözəl bilirdi. Mənimlə italyan dilində danışmağa başladı. Mən də bu dildə cavab verdim. Qapının ağzında dayanmışdım. Baxdı və "Gəl içəri, otur" dedi. Heç 5 dəqiqə söhbət etmədik. Soruşdu ki, bu sahədən nə bilirsən. Dedim ki, heç nə, gənclər və idman sahəsi mənə tamam yaddır. Bildirdi ki, mən səninlə işləmək istəyirəm. Mən də eyni fikirdə olduğumu söylədim. Dedi, qərarlaşdır, gəl. Elə o gündən Azad müəllimlə işləməyə başladım".

Qeyd edək ki, Azad Rəhimov aprelin 30-da ABŞ-da müalicə olunduğu xəstəxanada vəfat edib.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin