Azərbaycanda kiçik butik tipli şərab istehsalçılarının sayının 20-yə çatdırılması nəzərdə tutulub.
Bizim.Media xəbər verir ki, bu barədə Prezident İlham Əliyevin təsdiqlədiyi "Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı"nda əks olunub.
Belə ki, ilkin olaraq, kiçik şərab istehsalı müəssisələrinin yaradılması və modernləşdirilməsinin təşviqinə dair təkliflər hazırlanması, sonrakı mərhələdə isə şərab istehsalının dəstəklənməsi mexanizminin formalaşması və tətbiq edilməsi hədəflənir.
Yekun nəticədə isə kiçik butik tipli şərab istehsalçılarının sayının 20-yə çatdırılması nəzərdə tutulur.
Şərab istehsalının təşviqi istiqamətində müvafiq tədbirlərin icrası Kənd Təsərrüfatı və İqtisadiyyat Nazirliklərinə tapşırılıb.
Bizim.Media
