Kanadanın Baş naziri Mark Karni ölkəsinin sentyabrın 8-dən etibarən Amerika mallarına cavab rüsumları tətbiq edəcəyini bəyan edib. Bu qərar Ottava ilə Vaşinqton arasındakı son danışıqların uğursuzluqla nəticələnməsindən sonra qəbul olunub.
Bizim.Media xəbər verir ki, bu barədə "Associated Press" agentliyi məlumat yayıb.
Bir gün əvvəl ABŞ təxminən 20 milyard dollar dəyərində olan Kanada məhsullarına 50%-lik tariflər tətbiq etmişdi. Buna cavab olaraq Kanada polad, süd məhsulları, məişət texnikası, kənd təsərrüfatı avadanlıqları, sellüloz-kağız məhsulları, eləcə də elektronika mallarına qarşı "dollara dollar qarşılığında" prinsipi ilə rüsumlar müəyyən etmək niyyətindədir. Ottava konkret malların siyahısını yaxın günlərdə təqdim edəcək.
M. Karni bildirib ki, əgər Vaşinqton öz rüsumlarını əhəmiyyətli dərəcədə azaltsaydı, Kanada Amerika poladı, alüminiumu və avtomobillərinə tətbiq edilən qalan cavab tariflərindən imtina etməyə hazır idi. Ottava, həmçinin əyalətlərə Amerika spirtli içkilərinin satışını bərpa etməyi də təklif etmişdi.
Lakin Kanada Baş nazirinin sözlərinə görə, ABŞ-nin tələbləri həddindən artıq olub. "Onlar çox şey tələb etdilər, lakin qarşılığında çox az şey təklif etdilər", – deyə Karni vurğulayıb.
Bizim.Media
