Ermənistanda COP-17-yə ayrılan pullar mənimsənilib?

Ermənistanda COP-17-yə ayrılan pullar mənimsənilib?

Hazırda oxunan: Ermənistanda COP-17-yə ayrılan pullar mənimsənilib?
642002
Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Ermənistanın "Güclü Ermənistan" müxalifət fraksiyasının deputatları hökuməti COP-17 konfransının təşkili zamanı dövlət büdcəsindən milyonlarla dollar həcmində əsassız və kütləvi xərclər etməkdə ittiham ediblər.

Bizim.Media Sputnik Armenia-ya istinadən xəbər verir ki, keçirilən mətbuat konfransında deputat Asmik Yengoyan bildirib ki, hökumət nümayəndələri tədbir üçün ümumilikdə nə qədər vəsait xərclənəcəyini aydın izah edə bilmirlər.

Müxalifətçilərin araşdırmasına əsasən, tədbirin keçiriləcəyi "Meridian Holdinq" binasına əvvəlcə nəzərdə tutulandan qat-qat çox — 10,8 milyard dram (təxminən 30 milyon dollar) ayrılıb.

Deputat müqavilələrdə texniki parametrlərin göstərilmədiyini və xərclərin obyektivliyini yoxlamağın qeyri-mümkün olduğunu vurğulayıb.

Fraksiyanın digər üzvü Lena Matevosyan isə diqqəti "Doping Space" şirkətinə tədbirin keçirilməsi üçün ayrılan 5 milyon dollardan çox vəsaitə cəlb edib. O xatırladıb ki, bu şirkət daha əvvəl İrəvanda repçi Snup Doqqun (Snoop Dogg) baş tutmayan konsertini təşkil etməli idi.

Deputatlar ehtimal olunan mənimsəmə və əsassız xərclərlə bağlı hüquq-mühafizə orqanlarına müraciət edəcəklərini bəyan ediblər.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Bizim.media tətbiqi
Xəbərləri tətbiqdə oxuyun
Bizim.media tətbiqini yükləyin, son xəbərlər bildirişlə telefonunuzda olsun.
YükləApp Store YükləGoogle Play

XƏBƏR LENTİ

Bugün
Dünən

Xəbərin mətnində orfoqrafik səhv var

Qeydinizi daxil edin

RADİO