Sığorta ödənişlərinin həcmi 400 milyon manata ÇATDI

Bu ilin yanvar ayında Azərbaycandakı 17 sığorta şirkətinin xətti ilə 388 milyon manat sığorta ödənişi edilib.

Bizim.Media xəbər verir ki, bu barədə Mərkəzi Bankın bu gün yaydığı məlumatda əks olunub. 

Bu vəsait ötən ilin eyni dövr ilə nisbətdə 10.3 faiz çoxdur. Qeyd edək ki, ödənilən vəsaitlərin 21,8 milyon manatı “Həyat sığortası”, 17 milyon manatı isə “Qeyri-həyat sığortası” təşkil edib.

“Həyat sığortası” üzrə ödənişlərin ümumi həcmi ötən illə müqayisədə 9.6 faiz artıb. Belə ki, könüllü sığortaya21.6 milyon manat, icbari sığortaya isə 0.2 milyon manat yönəldilib.
“Qeyri-həyat sığortası” üzrə ödənişlərdə isə ötən illə nisbətdə 11,1 faiz artım qeydə alınıb. Belə ki, ötən ay ərzində könüllü sığortaya 9 milyon manat, icbari sığortaya isə 8 milyon manat sərf olunub.