Müharibə başlasa, yanacaq tapılmayacaq – NATO-dan həyəcan təbili

NATO yaxın on il ərzində genişmiqyaslı müharibə başlayacağı təqdirdə ciddi aviasiya yanacağı qıtlığı ilə üzləşə bilər.

Bizim.Media "Politico" nəşrinə istinadən xəbər verir ki, bu barədə alyansın Enerji Təhlükəsizliyi üzrə Qabaqcıl Təcrübə Mərkəzinin hesabatında qeyd olunub.

Mərkəzin məlumatına görə, mədən enerji daşıyıcılarından imtina və neft emalının azaldılması təhlükəli problemlər yarada bilər.

Belə ki, yaxın onillikdə avropalıları və onların amerikalı müttəfiqlərini əhatə edəcək böyük bir münaqişə baş verərsə, bu, aviasiya yanacağına olan tələbatın kəskin artmasına səbəb olacaq.
 

Hesabatda vurğulanır ki, belə bir ssenari zamanı hətta mülki tədarüklərin tamamilə hərbi ehtiyaclara yönəldilməsi belə yanacaq çatışmazlığını aradan qaldırmağa yetməyəcək.

Proqnozlara əsasən, 2050-ci ilə qədər aviasiya yanacağı qıtlığı təxminən 50 milyon tona çata bilər.

Bizim.Media