Azərbaycanda qəzalı məktəblərin sayı açıqlandı

“2022-ci ildə mövcud infrastrukturu yararsız olan və ya qəzalı məktəblərin sayı 900-dürsə, bu gün bu rəqəm, təxminən 400 təşkil edir”.

Bizim.Media xəbər verir ki, bunu elm və təhsil nazirinin müavini Kənan Kərimzadə Milli Məclisin Aqrar siyasət, Ailə, qadın və uşaq məsələləri, Elm və təhsil komitələrinin bugünkü birgə iclasında “Azərbaycan Respublikasının 2027-ci il dövlət büdcəsi haqqında” qanun layihəsinin müzakirəsi zamanı deyib. 

O bildirib ki, 2020-ci illə müqayisədə peşə təhsilinə qəbul sayı iki dəfə artıb:

"Peşə təhsilinə qəbul 2020-ci ildəki 14,8 min nəfərdən bu il 28 min nəfərə yüksəlib. 78 min nəfər üçün ali təhsilə qəbul imkanı yaradılıb, 2022-ci ildə bu rəqəm 54 min nəfər idi. İndiyə qədər 97 mindən çox şəxs təhsil-tələbə kreditindən yararlanıb. Əgər 2020-ci ildə 36 uşağa bir kompüter düşürdüsə, bu gün bu 6 uşağa bir kompüter düşür".

Günay Şahmar, Bizim.Media