Rusiya iqtisadiyyatı 2021-ci ildə yüksələcək - BEYNƏLXALQ AGENTLİKDƏN PROQNOZ  

"Fitch" beynəlxalq reytinq agentliyi, 2021-ci ildə Rusiyanın ümumi daxili məhsulunun (ÜDM) artım proqnozunu 0,6 faiz bəndi artıraraq 4,3%-ə yüksəldib. 

Bizim.Media xəbər verir ki, Agentliyin iyun ayı proqnozu 3,7% idi. 

Eyni zamanda, Fitch, Rusiyanın ÜDM artımına dair gözləntilərini 2022-ci üzrə 2,7%-də və 2023-cü il üzrə 2% səviyyəsində saxlayıb. 

Agentlik 2021-ci ilin sonunda Rusiya Federasiyasında inflyasiyanı 6%, 2022-ci ildə 4,2%, 2023-cü ildə 4% səviyyəsində proqnozlaşdırır. 

Proqnoza görə, Rusiya Federasiyası Mərkəzi Bankının əsas faiz dərəcəsi bu il hazırkı 6.75%-dən 7%-ə yüksələcək, 2022-ci ildə agentliyin analitikləri uçot dərəcəsinin 6%-ə, 2023-cü ildə 5.5%-ə düşməsini gözləyirlər. 

Fitch analitikləri, neft qiymətlərinin və digər gəlirlərin ardıcıl olaraq yüksək olması səbəbindən Rusiya Federasiyasının büdcəsinin və valyuta ehtiyatlarının əhəmiyyətli dərəcədə möhkəmləndiyini də qeyd ediblər. 

Bizim.Media