Banklar kredit faizlərini artırır? - AÇIQLAMA

“Azərbaycanda kredit faziləri yenidən arta bilər”.

Bunu Bizim.Media-ya açıqlamasında Millət vəkili, iqtisadçı-ekspert Vüqar Bayramov bildirib.

O əlavə edib ki, Mərkəzi Bankın özünün metodologiyasında da bank kreditlərinin faizlərinin yüksək olmasını depozitlərin bahalılığı ilə əlaqələndirir:
 

MÖVZU İLƏ BAĞLI:

Kredit borcu ilə bağlı YENİ TƏLƏB

“Deməli, depozit faizlərin artması kreditlərin bahalaşmasına və bankların daha yüksək faizli kredit təklif etməsinə səbəb olacaq. Yəni, əmanət gəlirləri vergiyə cəlb olunarsa, o halda kreditlər bahalaşacaq.

Mərkəzi Bankın məlumatına görə, hazırda kredit portfeli 19 milyard 594 milyon manatdır. Ölkə üzrə orta kredit faizi 14.13 faiz, ən bahalı kreditlər isə Mil-Muğan iqtisadi rayonundadır: 20.43 faizdir. Bu rəqəmlər təbii ki, orta kredit faizləridir. İstehlak kreditləri üzrə faizlər qeyd olunanlardan daha yüksəkdir”.

Millət vəkili onu da deyib ki, banklarda olan əmanətlər 2016-cı il fevralın 1-dən etibarən 7 il müddətində vergidən azad edilmişdi:

“Ancaq bu müddət dünən başa çatdı. Qeyd edim ki, Milli Məclisinin son plenar iclasında güzəşt müddətinin daha 1 il uzadılması və yeni mexanizmin hazırlanması təklifi ilə çıxış etdim”.

Surxay Atakişiyev, Bizim.Media