Polşa 14 ildən sonra bu ölkədə səfirliyini bərpa edəcək

Polşa 14 illik fasilədən sonra Suriyanın paytaxtı Dəməşqdəki səfirliyinin fəaliyyətini bərpa etməyə hazırlaşır.

Bizim.Media xəbər verir ki, bu barədə RMF radiostansiyası mənbələrinə istinadən məlumat yayıb.

Məlumata görə, diplomatik nümayəndəliyin 2027-ci ilin yanvarında açılması planlaşdırılır. Artıq bir neçə polşalı diplomat səfirliyin binasının təmir işlərini təşkil etmək üçün Suriyaya gedib.

Binanın 10 ildən artıqdır istifadəsiz qaldığı bildirilir.

RMF-in məlumatına əsasən, Polşa nümayəndələrinin Suriyaya qayıtması Brüsselin Dəməşqlə əməkdaşlığı gücləndirmək səyləri ilə bağlıdır.

Qeyd edək ki, Polşa Xarici İşlər Nazirliyi Suriyada vətəndaş müharibəsi səbəbindən 2012-ci ilin iyulunda ölkənin Dəməşqdəki səfirliyini bağlamaq və diplomatları təxliyə etmək qərarı verib.

Səfirliyin fəaliyyəti bərpa olunana qədər Polşanın Suriyadakı maraqlarını ABŞ-ın diplomatik nümayəndəliyi təmsil edib.

Bizim.Media