Dünyanın ən bahalı boşanması baş verə bilər – Nvidia-nın qurucusu boşansa..

Nvidia şirkətinin həmtəsisçisi Censen Huangın həyat yoldaşı Lori Huangdan mümkün boşanması dünya rekordunu yeniləyə və 70 milyard dollardan çox vəsaitə başa gələ bilər.

Bizim.Media xəbər verir ki, bu barədə “BILD” nəşri məlumat yayıb.

Cütlük Kaliforniyada yaşayır. Ştatın qanunvericiliyinə əsasən, nikah müqaviləsi və ya başqa razılaşma olmadığı təqdirdə, ər-arvadın birgə əldə etdiyi əmlak, bir qayda olaraq, bərabər bölünür.

“Forbes” jurnalının məlumatına görə isə səhmlərin son ucuzlaşmasına baxmayaraq, Censen Huangın sərvəti hazırda 143 milyard dollar təşkil edir. Bu halda, nəzəri olaraq, həyat yoldaşı Lori Huang boşanma zamanı 70 milyard dollardan çox vəsait əldə edə bilər.

Bu, tarixdə ən bahalı əmlak bölgülərindən biri ola bilər.

Bununla belə, cütlüyün nikah müqaviləsinin və ya digər maliyyə razılaşmalarının olub-olmadığı məlum deyil. Eyni zamanda, Lori Huangın boşanma iddiası qaldırıb-qaldırmayacağı da hələ bəlli deyil.

Bizim.Media