Beş Çin avtomobil modeli bazarı tərk etdi: Daha gətirilməyəcək – Foto

Noyabrın əvvəlinə olan məlumata görə, beş Çin avtomobil modeli Rusiya bazarını tərk edib. 

Bizim.Media xəbər verir ki, Həm JAC, həm də Tenet öz məhsul çeşidlərini yenidən nəzərdən keçiriblər. Hazırda bazardan çıxarılan modellərdən yalnız ikisi yeniləri ilə əvəz olunub.

Qeyd etmək lazımdır ki, "Chinese Cars" nəşri Rusiyaya yeni gələn avtomobillər barədə aylıq məlumatlar təqdim edir. Oktyabr ayında 13 yeni model (mövcud avtomobillərin yenilənmiş versiyaları da daxil olmaqla) elan edilib. Eyni zamanda, noyabrın əvvəlinə qədər beş model bazardan çıxıb və onların əksəriyyəti üçün hazırda birbaşa əvəzedici yoxdur.

Hansı avtomobillər Rusiya bazarını tərk edib?

Ən ciddi azalma JAC markasında müşahidə olunub; burada model sırası yarıdan çox azalaraq əvvəlki yeddi avtomobildən üçə düşüb. Xüsusən də 2020-ci ildən gətirilən, JAC J7 liftbeki (Ölçülərinə görə JAC J7 "Skoda Octavia"nın rəqibi idi) 2026-cı ilin ilk doqquz ayı ərzində cəmi altısı satılıb. 

JAC JS3

Bu kompakt krossover Rusiya bazarına 2023-cü ilin payızında daxil olub. Ölçülərinə görə "Chery Tiggo 4" modelinə bənzəyən bu avtomobil satışa çıxarıldığı dövrdə model üç fərqli komplektasiyada təklif olunurdu.  Zaman keçdikcə komplektasiyaların sayı ikiyə endirildi. 2026-cı ilin ilk 9 ayı ərzində Rusiyada bu krossoverlərdən 78 ədəd satılıb. 

JAC JS6

Bu orta ölçülü krossover Rusiya bazarına 2022-ci ilin sonunda daxil olub. Ölçülərinə görə model "Geely Atlas"ın ən son nəslinə bənzəyir. JS6 krossoveri 6 pilləli, iki muftalı transmissiya ilə təklif olunurdu. 

JAC T8 

Bu pikap 2024-cü ilin əvvəlində Rusiya bazarına təqdim edilib. T8 fərqli interyerə və fərqli mühərrik seçimlərinə malik idi. 2,0 litrlik turbomühərrikli benzin mühərriki (177 at gücü və 290 Nm fırlanma anı), ya da 2,0 litrlik dizel mühərriki (136 at gücü və 320 Nm fırlanma anı) ilə təklif olunurdu. Hər iki versiya 6 pilləli mexaniki sürət qutusu və tam ötürücü sistemi ilə təchiz edilmişdi. 

TENET 4

Bu model Rusiya bazarına 2025-ci ilin avqustunda daxil oldu. 6 pilləli iki muftalı sürət qutusu və ön ötürücü sistemi ilə təklif olunurdu. Daha sonra modelin çeşidi genişlənərək müxtəlif konfiqurasiyaları əhatə etməyə başladı. 1,5 litrlik atmosfer mühərrikli (113 a.g. və 138 Nm) versiya yeni baza variantı oldu; bu versiya 5 pilləli mexaniki sürət qutusu və ya variator (CVT) ilə təklif edilirdi.