“Bu günədək hər kəs Qərbə qoşulmağa can atırdı. Hətta Rusiya da vaxtilə bunu istəyirdi. Bir zamanlar biz də “Yeddilik” və “Səkkizlik” ölkələri sırasında olmaq istəyirdik”.
Bizim.Media xəbər verir ki, bunu Rusiya Prezidenti Vladimir Putin Ümumdünya Gənclər Festivalının iştirakçıları ilə görüşündə deyib.
O bildirib ki, hazırda Rusiyanın Qərbə qoşulmaq kimi planları yoxdur:
“Sonra biz başa düşdük ki, bunun heç bir mənası yoxdur. Çünki orada heç kim bizim maraqlarımızı nəzərə almır”.
Putin bildirib ki, tərəfdaşlarının siyasi maraqlarını nəzərə almamaq Qərbin ən böyük problemi və səhvidir.
ABŞ siyasətini şərh edərkən Rusiya lideri bildirib ki, dünyanı bir mərkəzdən idarə etmək onun təməlini sarsıdır, bu yanlış siyasətdir:
“ABŞ özü cini şüşədən çıxarır, əgər özü buna şərait yaradırsa, o zaman niyə digər ölkələr öz maraqlarını hərbi əməliyyatlarla qoruya bilmirlər?
ABŞ super gücdür, bu, aşkar faktdır, lakin ölkələrin böyük əksəriyyəti ABŞ-ın monopoliyasını, o cümlədən müttəfiqlərini bəyənmirlər”
Bizim.Media
