Qarğalar insanlardan iki dəfə ağıllı çıxdı? - Araşdırma

Qarğalar insanlardan iki dəfə ağıllı çıxdı? - Araşdırma

Hazırda oxunan: Qarğalar insanlardan iki dəfə ağıllı çıxdı? - Araşdırma
648472
Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Almaniyanın Tübingen Universitetinin alimləri qarğaların müəyyən vizual tapşırıqları sürətli reaksiya qabiliyyəti sayəsində insanlardan iki dəfə tez yerinə yetirdiyini aşkar ediblər.

Bizim.Media xəbər verir ki, bu barədə aparılan elmi araşdırmada bildirilib.
 

Uzun müddət quşların yüksək intellektə malik olmadığı düşünülsə də, son illərdə aparılan tədqiqatlar bunun əksini sübut edib. Məsələn, əvvəlki araşdırmalar göyərçinlərin xərçəng hüceyrələrini sağlam hüceyrələrdən, həmçinin rəqəmləri, sözləri və mənasız sözləri fərqləndirə bildiyini göstərib.


Bu dəfə Almaniyadan olan tədqiqatçılar qarğaların qərarvermə mexanizmini ətraflı öyrəniblər.

Eksperiment zamanı quşlara üzərində hərəkət edən nöqtələr olan dairələr göstərilib. Qarğalar nöqtələrin hərəkət istiqamətindən asılı olaraq dimdikləri ilə sağa və ya sola toxunmalı olublar.
Bir neçə həftə davam edən məşqlərdən sonra quşlar tapşırığı uğurla mənimsəyiblər.

Tədqiqatçılar əvvəlcə tapşırığın yerinə yetirilməsi üçün üç saniyə vaxt ayırsalar da, nəticələr gözləntiləri üstələyib.

Qarğalar tapşırığı orta hesabla 235 millisaniyəyə yerinə yetiriblər. Bu, insan göstəricisindən iki dəfə sürətli olub. Üstəlik, quşlar sürət qazansalar da, dəqiqliklərini itirməyiblər.

Mütəxəssislər hesab edirlər ki, qarğaların bu qədər sürətli reaksiya vermək qabiliyyəti uçuş zamanı daim dəyişən şəraitə dərhal uyğunlaşmaq zərurətindən formalaşıb.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Bizim.media tətbiqi
Xəbərləri tətbiqdə oxuyun
Bizim.media tətbiqini yükləyin, son xəbərlər bildirişlə telefonunuzda olsun.
YükləApp Store YükləGoogle Play

XƏBƏR LENTİ

Bugün

Xəbərin mətnində orfoqrafik səhv var

Qeydinizi daxil edin

RADİO