Mayın 15-i Kiyevdə matəm günü elan olunub.
Bizim.Media “UNİAN”a istinadla xəbər verir ki, bu barədə Kiyevin meri Vitali Kliçko məlumat verib.
Mer bildirib ki, Rusiyanın bu gecə Kiyevə etdiyi hücumlarda ölənlərin xatirəsini yad etmək üçün sabah şəhərdə dövlət bayraqları endiriləcək, bütün əyləncə tədbirləri ləğv ediləcək.
Qeyd edək ki, Rusiya ordusu mayın 14-nə keçən gecə Ukraynanın paytaxtı Kiyev şəhərinə kütləvi hava zərbələri endirib. Zərbələr nəticəsində şəhərdəki bir yaşayış binası çöküb.
İlkin məlumata görə yeddi nəfər həyatını itirib.
Axtarış-xilasetmə əməliyyatları isə davam edir.
Bizim.Media
