"MyGov" portalında pensiya kapitalı və əvvəlki illərə aid məlumatların görünməməsi, eyni zamanda azalması ötən gün qismən aradan qaldırılsa da, şikayətlər davam edir.
Lakin problemin bu gün tamamilə həll ediləcəyi bildirilib. Belə ki, məsələ ilə bağlı Dövlət Sosial Müdafiə Fondunun mətbuat katibi Rəşad Mehdili Bizim.Media-ya açıqlamasında vurğulayıb ki, məlumatların emalı prosesi tam olaraq yekunlaşıb:
“Hazırda məlumatların MyGov platformasına inteqrasiyası gedir”.
O qeyd edib ki, inteqrasiya prosesi başa çatdıqdan sonra məlumatlar MyGov platformasında əks olunacaq.
Buna qədər bildirilmişdi ki, hazırda işəgötürənlər tərəfindən cari ilin III rübü üzrə sosial sığorta haqlarına dair təqdim olunmuş hesabatların elektron sistemdə emalı prosesi aparılır. Bu prosesdə vətəndaşların pensiya kapitallarında əks olunan bəzi məlumatlarda müvəqqəti dəyişikliklər müşahidə oluna bilər.
Şəfiqə Şəfa, Bizim.Media
