Masallı rayonunda əkin sahəsində kişi meyiti aşkarlanıb.
Bizim.Media-nın əldə etdiyi məlumata görə, hadisə rayonun Mollaoba kəndində qeydə alınıb.
Kənd sakini Razi Allahverdi oğlu Fətullayevin meyiti fərdi yaşayış evlərinin yaxınlığında yerləşən əkin sahəsində tapılıb.
İlkin məlumata görə, mərhumun üzərində hər hansı zorakılıq əlaməti aşkar edilməyib. Onun spirtli içki aludəçisi olduğu bildirilir.
Qeyd edək ki, mərhumun atası Masallı rayonunda məşhur həkim kimi tanınır.
Faktla bağlı Masallı Rayon Prokurorluğunda araşdırma aparılır.
Sabutay, Bizim.Media, Cənub bürosu
