Xəbər verdiyimiz kimi, tanınmış vəkil, beynəlxalq hüquq üzrə professor Fərhad Mehdiyevin qızı avtomobil qəzasında faciəvi şəkildə həyatını itirib.
Bizim.Media xəbər verir ki, vəkil qızının vəfatı ilə bağlı paylaşım edərək valideynlərə çağırış edib:
“Gözəl Zəhram. Bilmirəm nə deyim. O bunları oxumur, amma onsuz çox pisəm. Mənə yazıb halımı soruşmayın. Cavab berə bilmirəm.
Uşaqlarınızı və doğmalarınızı “byke” sürməyə qoymayın. Sevdiklərinizlə daha çox vaxt keçirin. Onları qara torpaq bağrına basmadan, siz bağrınıza basın”, - deyə Fərhad Mehdiyev yazıb.
Qeyd edək ki, sözügedən qəza Bakı-Sumqayıt yolunda baş verib. Vəkilin qızının idarə etdiyi motosiklet yolda dayanan nasaz avtomobilə çırpılıb. Nəticədə 17 yaşlı Zəhra aldığı xəsarətlərdən dünyasını dəyişib.
Bizim.Media
