Cəlilabadda mağaza yanaraq külə döndü – FOTO  

Cəlilabadda təsərrüfat malları mağazası yanıb. 

Bizim.Media xəbər verir ki, rayonun Heydər Əliyev prospektində yerləşən dükanda elektrik qısa qapanmasından başlandığı ehtimal edilən yanğın obyektin bütün ərzisini bürüyüb. 

Nəticədə 100 kvatratmetirlik daxili hissədə olan bütün mallar yanaraq məhv olub. Gecə saatlarında baş verən yanğın hadisəsi zamanı eləcə də tikilinin bütün yanar konstruksiyaları sıradan çıxıb. Dükan sahibi Qurban Qurbanlı da hadisənin elektrik qısa qapanmasından baş verə biləcəyini ehtimal edir.  
Yanğının qonşuluqdakı digər dükan və tikililərə keçməməsi Fövqəladə hallar Nazirliyinin yerli bölmələri tərəfindən təmin edilib.  

Baş vermiş hadisə ilə əlaqədar müvafiq qrumların araşdırması davam edir. 














Sabutay Nağıyev, Bizim.Media, Cənub bürosu