Donald Tramp ABŞ-ın böyük silah lobbisinin dəstəyini alıb.
Moderator.az xəbər verir ki, Respublikaçılar Partiyasından Amerika prezidentliyinə namizəd Donald Tramp ölkənin silah lobbisi tərəfindən dəstəklənib.
Siyasətçi Kentukki şəhərində Milli Silah Assosiasiyasının illik konfransında çıxışı zamanı prezident seçiləcəyi təqdirdə ölkədə "silahsız zonaları" ləğv edəcəyini vəd edib. Bu barədə "France-Presse" agentliyi məlumat verir.
O, ABŞ Konstitusiyasında silah saxlamaq və daşımaq haqqında qanuna ikinci düzəlişin edilməsinə yol verməyəcəyii bildirib. Demokratlar Partiyasından prezident postuna namizədliyini irəli sürmüş Hillari Klinton da bu düzəlişin sadələşdirilməsinin tərəfdarı olduğunu bəyan edib.
Assosiasiyanın rəhbəri Kris Koks respublikaçıları milyarderin ətrafında birləşməyə çağıraraq bunu " ümumi azadlıq uğrunda mübarizə" adlandırıb.
