Paşinyan rusiyalı jurnalistə sərt cavab VERDİ: “İrəvan "tək bir erməni stulunda" əyləşir” – VİDEO

"Biz balanslaşdırılmış xarici siyasəti davam etdirməyi planlaşdırırıq".

Bizim.Media xəbər verir ki, bunu Ermənistanın Baş naziri Nikol Paşinyan Nyu-Yorkda rusiyalı jurnalistin sualını cavablandırarkən deyib:

O qeyd edib ki, İrəvan eyni anda iki stulda oturmağa çalışmaq əvəzinə, "tək bir erməni stulunda" əyləşir:

“İkisinə ehtiyacımız yoxdur".

Daha sonra jurnalist Paşinyana Ermənistan məhsullarının Avropa bazarına ixracı ilə bağlı sual verib. Jurnalist Avropa tərəfinin Ermənistan kənd təsərrüfatı məhsullarının 99%-nin Aİ bazarına çıxış əldə etməsi imkanını elan etdiyini xatırladıb və Baş nazirdən avropalıların vədlərinə əməl etməməsi ehtimalından narahat olub-olmadığını soruşub.

Paşinyan belə cavab verib:

"Axı niyə? Niyə bizi aldatsınlar ki?".

O, əlavə edib:

"Biz bütün tərəfdaşlarımızla dürüst və açıq olmağa çalışırıq və qarşılıqlı münasibətə ümid edirik".


Bizim.Media