Azərbaycanda bu sahələrdə İSTEHSALDA ARTIM 

Bu ilim yanvar-iyul aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 1 339,4 mln. manatlıq məhsul istehsal edilib. 

Dövlət Statistika Komitəsindən Bizim.Media-ya verilən məlumata görə, bu ilin yanvar-iyul aylarında əvvəlki ilin müvafiq dövrü ilə müqayisədə məhsul buraxılışı əczaçılıq məhsullarının istehsalında 2 dəfə, kimya sənayesi məhsullarının istehsalında 18%, rezin və plastik kütlə məmulatlarının istehsalında isə 9,5% artıb. 

Məlumata görə, hesabat dövründə ezin və plastik kütlə məmulatlarından bərk polietilen borular, borucuqlar, şlanqlar, qolların istehsalı 51,9%, kimya məhsullarından metanol (metil spirti) istehsalı 2,1 dəfə, lak-boya məmulatlarının istehsalı 11,9% artıb, məsaməli polistirol lövhələr və zolaqların istehsalı isə 18,2% azalıb. 
Azərbaycanda əsas kimya məhsullarının istehsalı dinamikası: 

Bizim.Media