Prezident: Müvafiq qurumlar bəzi hallarda cinayətlərə göz yumurdu

“Hesab edirəm ki, o da sırf kadr islahatları ilə bağlı olan məsələdir. Xoşagəlməz hallar bürokratiya tərəfindən ört-basdır edilirdi və bəzi hallarda düzgün məlumat mənə çatdırılmırdı».

Bizim.Media-nın xəbərinə görə, bunu yanvarın 6-da Azərbaycan Respublikasının Prezidenti İlham Əliyev 2020-ci ilin yekunlarına həsr olunmuş videoformatda müşavirədə çıxışında bildirib.

Dövlət başçısı deyib ki,  müvafiq qurumlar korrupsiyaya və rüşvətxorluğa qarşı kifayət qədər ciddi mübarizə aparmırdılar, bəzi hallarda cinayətlərə göz yumurdular.

”Bütün bunlar həqiqətdir. Kadr islahatları artıq buna da son qoyub”.
 

MÖVZU İLƏ BAĞLI:

İlham Əliyev - "Rəhbərliyə yeni insanlar gəlib"

Prezident vurğulayıb ki, bu gün heç kim, cinayət törətmiş insan vəzifəsindən asılı olmayaraq məsuliyyətdən boyun qaçıra bilməz:

“Heç kim qanundan üstün deyil. Heç kim üçün heç bir xüsusi status, heç bir imtiyaz yoxdur. Bunu hər kəs bilməlidir. Hesab edirəm, 2020-ci ilin hadisələri göstərir ki, hər kəs bunu artıq bilir”.

Bizim.Media