Dünya Bankının büdcəyə nəzarət layihəsi bizə nə verəcək?

İki gün öncə Milli Məclisin İqtisadi siyasət, sənaye və sahibkarlıq komitəsinin üzvləri Dünya Bankının Orta Müddətli Xərcləmələr Çərçivəsinin Potensialın Gücləndirilməsi Proqramının tapşırıq qrupu ilə onlayn formatda görüş keçiriblər.

Dünya Bankı, Azərbaycan Respublikasının Maliyyə Nazirliyi ilə əməkdaşlıq çərçivəsində bu yaxınlarda Orta Müddətli Xərcləmələr Çərçivəsinin Potensialın Gücləndirilməsi Proqramına (OMXÇ PGP) start verib.

Bu barədə Bizim.Media-a danışan millət vəkili, Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov Dünya Bankı və Azərbaycan arasında əməkdaşlığın güclənməsinin müşahidə olunduğunu bildirib.

“Nəzərə alsaq ki, iki öncə onlayn görüş istiqamətində qanunvericilik bazası və bütövlükdə hüquqi mühitin daha da təkmilləşdirilməsi məsələsi müzakirə olundu”.

Millət vəkili qeyd edir ki, bu hadisə çox əhəmiyyətli xarakter daşıyır.

“Azərbaycan və Dünya Bankı arasındakı büdcə yönümlü əməkdaşlıq büdcə gəlirlərində şəffaflığın daha da artırılmasına, hesabatların gücləndirilməsi və büdcə prosesinin beynəlxalq standartlara uyğun olaraq qurulması baxımından vacibdir”.

Mia Quliyeva, Bizim.Media