Azərbaycanda dövlət xəttilə kirayəyə verilən mənzillərin sayı artdı

Bu günə qədər İpoteka və Kredit Zəmanət Fondu (İKZF) 37 502 borcalana 2 milyard 051,539 milyon manat kredit verib. 

Bizim.Media xəbər verir ki, bu barədə İKZF-nin açıqlamasında bildirilir. 

Bundan başqa, qurum bəyan edib ki, indiyə qədər 280,443 milyon manat məbləğində biznes kreditlərinə zəmanət verilib, 1 404 mənzil isə kirayəyə vermək yolu ilə realizə edilib. 

Xatırladaq ki, Fond 2017-ci ilin sonunda “Azərbaycan İpoteka Fondu” və “Kredit Zəmanət Fondu” ASC-lərin birləşməsi nəticəsində yaradılıb və onların hüquqi varisidir.
Fond milli maliyyə təsisatlarına uzunmüddətli subsidiyalaşdırılmış ipoteka kreditlərinin verilməsi və ucuz maliyyə resurslarına çıxışın təmin edilməsi ilə bağlı likvidlik dəstəyini verən dövlət agenti kimi fəaliyyət göstərir. 

Bizim.Media