Sərvəti 100 milyard dolları ötən qadın kimdir?

L'Oreal-ın varisi Fransua Bettencourt Meyers 100 milyard dollardan çox sərvətə sahib olan ilk qadın olub.

Bizim.Media xəbər verir ki, bu barədə Bloomberg nəşri yazıb.

Mənbə qeyd edir ki, L'Oreal-ın səhmləri rekord həddə çatıb. İstehlakçılar pandemiyadan bəri dəbdəbəli məhsullara pul xərclədiyi üçün səhmlər bu il 35% artıb.
2022-ci ildə Bettencourt Meyers və ailəsi şirkətin səhmlərinin 34%-dən çoxuna sahib idi. Lancome-dan Maybelline-a qədər geniş marka portfelinə sahib olan dünyanın ən böyük kosmetika şirkəti 2022-ci ildə 38 milyard avrodan (42 milyard dollar) çox gəlir əldə edib.

Bu ilin əvvəlində L'Oreal Avstraliya markası Aesop-u 2,5 milyard dollara satın alıb. Bu da Fransız gözəllik nəhənginin indiyə qədər etdiyi ən böyük marka alışı olub. 

Xatırladaq ki, Fransua Bettencourt Meyers Lilianne Bettencourtun qızı və varisidir.  

Bizim.Media