Yeni Zelandiyada evtanaziyanın leqallaşdırılmasına səs verilib.
Bizim.Media BBC-yə istinadən xəbər verir ki, 17 oktyabrda Yeni Zelandiyada keçirilən ümumi referendumun qeyri-rəsmi nəticələrinə görə, xalq səs çoxluğu ilə evtanaziyanın qanuniləşməsini dəstəkləyib.
İlkin nəticələrə görə səs verənlərin yüzdə 65 faizi sağalmaz xəstələrin ömrünün qanuni olaraq sona çatdırılmasına "hə" deyib.
Referendumun son nəticələri noyabrın 6-da açıqlanacaq. "Həyat sonlandırılması seçimi" qanunu parlamentdə qəbul olunarsa, 2021-ci ilin noyabrında qüvvəyə minəcək.
Bu prosesin həyata keçirilməsinə isə 6 aydan az ömrü qalanlar üçün ən azı iki həkimin razılığı ilə icazə veriləcək.
Bizim.Media
