Xalq artisti Nisə Qasımova efirlərə nadir hallarda çıxmasının səbəbini açıqlayıb.
Bizim.Media xəbər verir ki, 69 yaşlı sənətkar bu haqda qonaq olduğu “Tarixin bir günü” verilişində danışıb.
Qasımova bildirib ki, qonaq getdiyi verilişlər onu məyus və peşman edib:
“Məni verilişlərə bir adla çağırırlar, amma sonradan aparıcılar tərəfindən xoşuma gəlməyən suallar eşidirəm. Onlara hələ xəbərdarlıq edirəm ki, “xahiş edirəm bu kimi suallar olmasın”.
Beynimlə əlaqəli məsələlər var ki, bilmədən bir söz deyərəm, sonra o sözün əziyyətini günlərlə yox illərlə çəkərəm. Məhz bu səbəbdən hər verilişə getmirəm. Heç getmək də fikrim yoxdur”.
Qeyd edək ki, ötən il Nisə Qasımova insult keçirdiyini və bu səbəbdən danışıq qabiliyyətini və səsini itirdiyini açıqlamışdı.
Rəşad Əliyev, Bizim.Media
