“Milan”ın futbolçusu Matteo Qabbia ciddi zədə alıb.
Bizim.Media xəbər verir ki, o, “Sassuolo” ilə qarşılaşmada sıradan çıxıb.
Görüşün 20-ci dəqiqəsində meydan sahiblərinin futbolçusu Arman Loriyente ilə mübarizə zamanı zədələnən 46 nömrəli müdafiəçi oyunu davam etdirə bilməyib. Sol ayağının dizin arxa hissəsində ağrı hiss edən Qabbia müstəqil şəkildə ayağa qalxmayıb və meydandan xərəkdə çıxarılıb.
"La Gazetta dello Sport"un yaydığı məlumata görə, ilk əlamətlər zədənin ciddi ola biləcəyini göstərir. Qabbiya “Mapei” stadionunu qoltuqağacı ilə tərk edib. Yaxın saatlarda onun tibbi müayinədən keçəcəyi, zədənin dəqiq ağırlığının və bərpa müddətinin müəyyənləşəcəyi bildirilir.
“Milan”ın baş məşqçisi Ruben Amorim futbolçusunun zədələnməsindən sonra narahatlığını gizlətməyib:
“Hazırda diaqnozu bilmirəm, amma bu zədə məni çox narahat edir. Məyusam, çünki Qabbianın əvvəllər də sağlamlıq problemləri olub. Yenidən sıraya qayıtmaq üçün bu qədər əziyyət çəkdikdən sonra o, belə bir uğursuzluğa qətiyyən layiq deyildi. Təəssüf ki, futbolda belə hallar baş verir”.
Bizim.Media
