Türkəm mən!

Əziz dostum Ramin Dəryaya

xa0

Salam olsun mənim şair dostuma

Bilirsənmi dünya durub qəsdimə.

Ey Türk oğlu, düşməninə bəs demə,

Zənn etmə ki, kafirlərdən hürkəm mən

Ağ Hunam, Oguzam, əski Türkəm mən.

xa0

Allahdan aldığım ilhamla, güclə

Gahdan İç Ox Uzla, gah Dış Ox Uzla.

Sivri qalxan ilə, əyri qılıncla

Yağıya qəddaram, ona görkəm mən

Ağ Hunam, Oguzam, əski Türkəm mən.

xa0

Tarixin yükünü çəkməz dəvələr,

Ey qoç babalardan miras nəvələr

Kafirlər tarixdə görmüşlər nələr.

Yenə də görsünlər səsi ötkəm mən,

Ağ Hunam, Oguzam, əski Türkəm mən.

xa0

Tarixə adını yazmış və yazır

Qılıncla düşmənin məzarın qazır.

Şəhadət şərbətin içməyə hazır

Bil nə sonuncuyam, nə də ilkəm mən ,

Ağ Hunam, Oguzam, əski Türkəm mən.

xa0

İlk məskən sayılır Ana ÖTÜKƏN,

Tarixi imzayla böyük köç edənə

Otuz min çinliylə təkcə cəng edən

O türk əsgəriyəm, qolu bərkəm mən

Ağ Hunam, Oguzam, əski Türkəm mən.

xa0

“Tanrinin qirmancı”x9d Atilla hanı?

Ey çaqqal sürüsü yerini tanı.

Qorxutmaz bizləri döyüş meydanı.

Tarixən vüqarlı, başı dikım mən

Ağ Hunam, Oguzam, əski Türkəm mən.

xa0

Dövlətlər qurmuşuq vaxtla, zamanla

Sən ey cahil insan, gəl bunu anla.

Tarixlər yazmışıq qılıncla, qanla,

Coğrafi məkanım, elim, bölgəm ,mən

Ağ Hunam, Oguzam, əski Türkəm mən.

xa0

Əyməz Zülfüqarı qanlar, qadalar

Döyüş meydanında ölər, ad alar.

Düşmənin başına yanar od olar

Gərilən əsəbim, övkəm, hikkəm ,mən,

Ağ Hunam,Oguzam, əski Türkəm mən.

xa0

Fərid Muradzadə (Zülfüqar Gileyli)