Kürdəmirdə yağan güclü yağış həyatı iflic edib.
Bizim.Media-nın Aran bürosu xəbər verir ki, bu gün axşam saatlarında bir neçə saat davam edən güclü leysan yağışları rayonun bir neçə küçə və prospektlərində gediş-gəlişi tamamilə məhdudlaşdırıb.
Bu vəziyyət rayonun Bakı və Heydər Əliyev prospektlərində, eləcə də Xanlar Səfərəliyev, Şəhriyar küçələrində özünü daha çox büruzə verir.
Adı çəkilən küçələrdə vəziyyət daha da ağırdır.
Belə ki, yağış suları istər avtomobillərin, istərsə də piyadaların gediş-gəlişini tamamilə məhdudlaşdırıb.
Hazırda aidiyyatı qurumların canlı qüvvəsi və texnikası əraziyə cəlb olunub.
Yaranmış çətinliyin aradan qaldırılması istiqamətində zəruri işləri həyata keçirirlər.
Bizim.Media, Aran bürosu
