Pakistan Azərbaycana minnətdarlıq etdi

Pakistan hökuməti və xalqı, Hindistanın işğalı altındakı Cammu və Kəşmir məsələsində, eləcə də ötən il Hindistanın Pakistana qarşı törətdiyi təcavüz zamanı göstərdiyi prinsipial mənəvi və diplomatik dəstəyə görə Azərbaycana səmimi minnətdarlığını ifadə edir.

Bizim.Media xəbər verir ki, bu barədə Pakistanın Azərbaycandakı səfiri Qasım Mohiuddin "Marka-e-Haq" əməliyyatının birinci ildönümü münasibətilə etdiyi müraciətində bildirib.

Səfir öz müraciətində bir neçə mühüm məqamı vurğulayıb.

Ordunun şücaəti: "Bu gün biz Vətəni Hindistanın təcavüzündən qorumaq üçün nizam-intizam və qətiyyətlə ayağa qalxan silahlı qüvvələrimizin cəsarətinə ehtiramımızı bildiririk".

Sülh və müdafiə: Diplomat qeyd edib ki, Pakistan sülhün tərəfdarı olsa da, milli maraqlarını qətiyyətlə qorumaq niyyətindədir.

Özünümüdafiə hüququ: "BMT Nizamnaməsinə uyğun hərəkət edən Pakistan, Silahlı Qüvvələrin Ali Baş Komandanı, feldmarşal Asim Munirin rəhbərliyi altında öz ayrılmaz özünümüdafiə hüququndan istifadə edərək, Hindistanın Pakistana hücum üçün istifadə etdiyi hərbi obyektlərinə qarşı qətiyyətli, dəqiq və mütənasib cavab zərbələri endirib".

Səfir Qasım Mohiuddin həmçinin bəyan edib ki, Cənubi Asiyada uzunmüddətli sülh Cammu və Kəşmir məsələsi BMT Təhlükəsizlik Şurasının qətnamələrinə uyğun həll edilmədən qeyri-mümkündür.

Bizim.Media