
- A-
- A
- A+
Tbilisidə yaşayış binasında partlayış: Dağıntılar altında insanlar qalıb – Foto-Video
Gürcüstanın paytaxtı Tbilisinin Kvemo-Poniçala rayonunda yaşayış binasında partlayış baş verib. Nəticədə binanın bir hissəsi uçub.
Bizim.Media xəbər verir ki, Gürcüstanın Birinci Kanalının məlumatına görə, hadisə bu gün səhər saat 09:00 radələrində beşmərtəbəli binada qeydə alınıb.
İlkin ehtimala görə, partlayışa məişət qazı ilə işləyən qızdırıcı səbəb olub.
Gürcüstanın daxili işlər naziri Sulxan Tamazaşvilinin sözlərinə görə, dağıntılar altından dörd nəfər çıxarılaraq xəstəxanaya yerləşdirilib. Onların arasında bir uşaq da var. Yaralılardan birinin vəziyyəti ağır qiymətləndirilir.
Nazir bildirib ki, hadisə nəticəsində daha yeddi nəfər, o cümlədən üç azyaşlı uşaq itkin düşmüş hesab olunur.
Hazırda itkin düşən şəxslərin axtarışları davam etdirilir.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.
































































































