Hasil Abbasov: “Əmək bazarının əsas sütunlarından biri özəl sektordur”

Hasil Abbasov: “Əmək bazarının əsas sütunlarından biri özəl sektordur”

Hazırda oxunan: Hasil Abbasov: “Əmək bazarının əsas sütunlarından biri özəl sektordur”
648537
Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Dövlət-Biznes Əməkdaşlığı Forumunun əsas məqsədi dövlət qurumlarının biznesə dəstək mexanizmlərini, əməkdaşlıq imkanlarını, işəgötürənlərə təqdim olunan dəstək alətlərini, eləcə də əmək bazarında biznes birlikləri və assosiasiyaların rolunu müzakirə etməkdir.

Bizim.Media xəbər verir ki, bunu Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin İdarə Heyətinin sədri Hasil Abbasov Bakıda keçirilən Dövlət-Biznes Əməkdaşlığı Forumu çərçivəsində jurnalistlərə açıqlamasında deyib.

O bildirib ki, forum çərçivəsində sosial məsuliyyət və birgə təşəbbüslər istiqamətində də müzakirələr aparılır:

“Əmək bazarının reallıqları geniş masada müzakirəyə qoyulub və biz bu gün Məşğulluq Həftəsini son tədbirimiz olan Dövlət-Biznes Əməkdaşlığı Forumu ilə yekunlaşdırdıq. Burada Milli Məşğulluq Forumu, “Gələcəyin peşələri” sammiti və bugünkü forum olmaqla, Azərbaycanda əmək bazarına, onun gələcəyinə, işçi qüvvəsinin kvalifikasiya və kompetensiyalarının artırılmasına, bu hazırlıq prosesində işəgötürənlərin potensial dəstək mexanizmlərinə, eyni zamanda dövlətin işəgötürənlərə təqdim etdiyi xidmətlərə dair geniş müzakirələr apardıq”.

Sədr qeyd edib ki, bu tədbirlərin Azərbaycanın əmək bazarına ciddi töhfə verəcəyinə inanırlar:

"Çünki biznesin və əmək bazarının əsas sütunlarından biri özəl sektordur. ƏMAS-dakı aktiv əmək müqavilələrində özəl sektorun böyük çəkisi var. Biz də sahibkarlarımıza, işəgötürənlərimizə öz istiqamətimizdə maksimum dəstək verməyə hər zaman hazır olduğumuzu bir daha nümayiş etdirdik".

Günay Şahmar, Tural Xəlil, Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Bizim.media tətbiqi
Xəbərləri tətbiqdə oxuyun
Bizim.media tətbiqini yükləyin, son xəbərlər bildirişlə telefonunuzda olsun.
YükləApp Store YükləGoogle Play

XƏBƏR LENTİ

Bugün
Dünən

Xəbərin mətnində orfoqrafik səhv var

Qeydinizi daxil edin

RADİO