“Sabah” xorvatiyalı məşqçi ilə müqavilə İMZALADI

“Sabah”da yeni baş məşqçi təyinatı rəsmiləşib. 

Bizim.Media xəbər verir ki, Murad Musayevin istefasından sonra boş qalan posta yenə legioner təyin edilib.

Xorvatiyalı məşqçi Krunoslav Renduliçlə 1,5 illik müqavilə bağlanıb.

Renduliç məşqçi karyerası ərzində İranın “Fulad” (2014-2016) və bu ölkənin əsas milli komandasında (2022) köməkçi məşqçi, həmçinin Xorvatiyanın “İstra 1961” (2018/19), “Şibenik” (2019-2021), “Qoritsa” (2021-2022), Bosniya və Herseqovinanın “Zrinski” (2022-2023) klublarında baş məşqçi kimi çalışıb.
Xorvatiyalı məşqçi “Zrinski” ilə Bosniya və Herseqovina çempionu olub, ölkə kubokunu qazanıb (2022/2023), bu klubu UEFA Konfrans Liqasının qrup mərhələsinə çıxarıb (2023/2024). 

Rəşad Rafiqoğlu, Bizim.Media