Blinken: “Lukaşenko Rusiyanın Ukraynaya təcavüzünə şərikdir”

Lukaşenko rejimi Ukraynaya qarşı müharibənin şərikidir.

Bizim.Media xəbər verir ki, bu fikirləri ABŞ-ın dövlət katibi Entoni Blinken Belarusla Həmrəylik Günü münasibətilə Tvitterdə yazdığı təbrik məktubunda səsləndirib.

"Belarusla Həmrəylik Günündə biz Lukaşenko rejiminin insan haqlarını boğmasını, beynəlxalq normalara məhəl qoymayaraq Ukraynaya qarşı müharibədə Rusiya ilə birgə iştirakını xatırlayırıq. Biz bu gün və hər gün Belarus xalqının yanındayıq”, deyə Blinken qeyd edib.

Xatırladaq ki, Belarus prezidenti Aleksandr Lukaşenko dəfələrlə Rusiyanın Ukraynaya təcavüzü ilə heç bir əlaqəsi olmadığını bəyan edib.

Xüsusilə, Lukaşenko bu yaxınlarda BMT-nin baş katibinə ünvanladığı məktubda Belarusun Rusiya-Ukrayna müharibəsində təcavüzkar olmadığını deyib və Qərbi Rusiyanın “narahatlıqlarına” qulaq asmamaqda ittiham edib.

Bizim.Media