Budanov Əbu-Dabidə rus dilində danışdı - Cərimə ödəyəcəkmi?

Ukrayna Prezidenti Volodimir Zelenskinin Ofisinin rəhbəri Kirill Budanov Rusiya, ABŞ və Ukrayna nümayəndə heyətləri arasında Əbu-Dabidə keçirilən danışıqlar zamanı rus dilinə keçdiyinə görə cərimələnməyəcək.

Bizim.Media xəbər verir ki, bu barədə Ukraynanın dövlət dilinin müdafiəsi üzrə müvəkkili Yelena İvanovskaya məlumat verib.

Ukraynanın “Liga.net” nəşrinin yazdığına görə, İvanovskaya Zelenskinin Ofisinin rəhbərinə qarşı sanksiyaların tətbiq edilməsi ehtimalı ilə bağlı suala cavabında bildirib:

“Dil qanunvericiliyi səfirliklərin ərazisi istisna olmaqla, yalnız dövlətin sərhədləri daxilində qüvvədədir”.

Xatırladaq ki, Budanov bir gün əvvəl Əbu-Dabidə üçtərəfli danışıqların yekunlarına dair mətbuat konfransında rus dilində danışmağa başlayıb.

Qərb nəşrlərindən birinin jurnalisti ona danışıqların təfərrüatları ilə bağlı ingilis dilində sual verib.

Budanov ingilis dilində jurnalistdən sualı tərcümə etməsini xahiş edib, daha sonra isə rus dilində danışmağa başlayıb.

Bizim.Media