Ukraynanın ATB supermarketlər şəbəkəsi qeyri-ərzaq məhsulları və şəxsi gigiyena vasitələrinin təchizatında çətinliklərlə üzləşib.
Bizim.Media xəbər verir ki, bu barədə "Telegraf" nəşri yazıb.
Logistika mərkəzlərinə və anbarlara endirilən Rusiya zərbələri şəbəkənin mağazalarında qeyri-ərzaq mallarının çeşidinin azalmasına səbəb olub. Çatışmazlıq xüsusilə şampunlar, dezodorantlar və uşaq bezləri ilə bağlı müşahidə olunur.
ATB əməkdaşına istinadən "Telegraf" yazır ki, məişət kimyası məhsullarının çatdırılması əhəmiyyətli dərəcədə azalıb. Tualet kağızı kimi əsas tələbat malları satışda olsa da, bir çox tanış məhsullar artıq mövcud deyil.
"Çatdırılma məhduddur və bir çox məişət kimyası məhsulu çatışmır. Mallar gətirilir, lakin tələb olunan miqdarda deyil", - deyə əməkdaş bildirib.
Xatırladaq ki, ATB Ukraynanın ən böyük supermarketlər şəbəkəsidir.
Bizim.Media
