“Bu gün müharibəyə etiraz etməkdən qorxan və ya küçələrə çıxmaq istəməyən Rusiya xalqı bunun bədəlini yoxsulluqla ödəyəcək”.
Bizim.Media xəbər verir ki, bu barədə Ukrayna prezidenti Volodimir Zelenski bu gün videomüraciətində bildirib.
“Rusiya vətəndaşları! Sizin üçün bu, təkcə Ukraynada sülh uğrunda mübarizə deyil! Bu sizin ölkəniz üçün də mübarizədir. Onun ən yaxşı şeyə sahib olmağı, gördüyünüz azadlıq, hiss etdiyin sərvət üçün.
Əgər indi susursunuzsa, sonra sizin haqda ancaq yoxsulluqdan danışacaqlar. Buna isə yalnız repressiya cavab vermək olar. Susmayın”, - Ukrayna lideri çağırış edib.
Zelenski vurğulayıb ki, ukraynalılar artıq öz gələcəklərini qazanıblar, lakin onlar bu gün də öz gələcəkləri üçün mübarizə aparırlar, sərhədin harada olacağı, həyat və köləlik arasında mübarizə aparırlar.
O, qeyd edib ki, hazırda Rusiya vətəndaşları da eyni seçimi edirlər, onlar da “həyatla köləlik arasında” seçim edirlər: “Elə vaxtdır ki, hələ də itkilər olmadan şəri məğlub edə bilərik.
Mövqeyinizə görə “QULAQ”la (Sovet dövründə repressiya düşərgəsi) deyil, işdən çıxarılmaqla, ölümlə yox, maddi itkilərlə hədələyirlər. Bu fürsəti qaçırmayın. Dostlarınız, tanışlarınız, həmkar və qohumlarınız sizi eşidəcək. Biz, ukraynalılar, sülh istəyirik!”.
Bizim.Media