Almaniya 2022-ci ilin fevralından bəri 80-dən çox rusiyalı diplomatı ölkədən deportasiya edib.
Bizim.Media xəbər verir ki, Bild qəzetinin məlumatına görə, onların əksəriyyəti diplomatik status altında fəaliyyət göstərən Rusiya kəşfiyyatının əməkdaşları olub.
Almaniya Xarici İşlər Nazirliyinin məlumatına əsasən, müharibənin başlanmasından sonra Rusiyanın Almaniyadakı diplomatik nümayəndəliklərinin əməkdaşlarının sayı əhəmiyyətli dərəcədə azalıb. Bundan başqa, həmin dövrdə daha 313 Rusiya vətəndaşı da ölkədən çıxarılıb.
Bildirilir ki, diplomatik statusu olan şəxslər Almaniya tərəfindən kəşfiyyat fəaliyyəti ilə əlaqəli hesab olunub. Sonuncu rusiyalı diplomatların ölkədən çıxarılması isə 2026-cı ilin yanvarında baş verib.
Hazırda Rusiyanın Almaniyada üç diplomatik nümayəndəliyinin olduğu bildirilir: Berlindəki səfirlik, Bonndakı baş konsulluq və Nürnberqdəki fəxri konsulluq.
Bizim.Media
