ABŞ Prezidenti Donald Tramp sosial şəbəkə hesabında demokrat rəqiblərini hədəf alan növbəti ironik paylaşım edib.
Bizim.Media xəbər verir ki, Tramp Cozef Bayden, Kamala Harris və Hillari Klintonun süni intellekt (SI) vasitəsilə yaradılmış maraqlı fotosunu yayımlayıb.
Sözügedən şəkildə hər üç demokrat siyasətçi Trampın seçki kampaniyasının simvoluna çevrilən məşhur qırmızı rəngli beysbol papaqlarında təsvir olunublar.
Lakin papaqların üzərində ənənəvi şüarların əvəzinə ingilis dilində "I lost to Trump" (Mən Trampa uduzmuşam) sözləri yazılıb.
Süni intellekt tərəfindən yüksək dəqiqliklə hazırlanan bu satirik təsvir qısa müddətdə sosial şəbəkələrdə, xüsusilə "X" (Twitter) və "Truth Social" platformalarında böyük populyarlıq qazanaraq virtual bəhslərə və minlərlə şərhə səbəb olub.
Trampın bu addımı rəqiblərinə qarşı apardığı informasiya müharibəsinin və siyasi trollinq taktikalarının növbəti nümunəsi kimi qiymətləndirilir.

Bizim.Media

































































































