ABŞ-nin vitse-prezidenti Cey Di Vens ölkənin zəifləməsini və nüvə proqramının məhv edilməsini əsas gətirərək, ABŞ-nin İranla danışıqlarda "hər bir halda qalib gəldiyini" bəyan edib.
Bizim.Media xəbər verir ki, bu barədə "The Guardian" qəzeti məlumat yayıb.
ABŞ-nin HBO telekanalında yayımlanan "Real Time with Bill Maher" proqramında çıxış edən Vens qeyd edib:
"Əgər yekun saziş bağlasaq – əla. Bağlamasaq da – onların nüvə proqramı onsuz da məhv edilib, ölkə isə xeyli zəifləyib. Ona görə də mənim mövqeyim belədir: Amerika hər bir halda qazanır".
Bununla belə, Vens ABŞ Prezidenti Donald Tramp ilə İran Prezidenti Məsud Pezeşkiyan arasında 60 günlük anlaşma memorandumu çərçivəsində əldə olunan atəşkəs və danışıqlar prosesinin mürəkkəb olaraq qaldığını etiraf edib. Onun sözlərinə görə, iranlılarla iş apararkən proses həmişə bir qədər xaotik olacaq.
O, həmçinin bəyan edib ki, əgər Tehran uzunmüddətli perspektivdə nüvə ambisiyalarından imtina edərsə, ABŞ İranla münasibətlərin dərin transformasiyasına hazırdır. Əks halda, onun sözlərinə görə, bütün üstünlüklər ABŞ-nin əlində qalacaq.
Bizim.Media
